Byggvarehandel melder oppbod

Det er slutt for Byggtorget Dale Faghandel-butikken i Ørsta etter at selskapet har meldt oppbod til tingretten, ifølgje Møre-Nytt. 

Butikken har hatt fem tilsette som missar jobbane sine.

– Vi har kjempa i to år med ulike tiltak for å berge arbeidsplassane, men klarte ikkje å snu den økonomiske utviklinga. Særleg eldre gjeld har vore ei tung bør å bere, seier Yngve Dale til avisa. 

Han fortel at omsetninga fall frå 25 millionar i 2024 til 14 millionar i 2025. Trass i at det blei tilført ny kapital, var det ikkje nok til å berge vidare drift i selskapet som formelt heiter Dale Faghandel.

Selskapet Dale Montering er ikkje råka av konkursen, ifølgje Dale.