Circle K legg ned i Brattvåg

Bensinstasjonen Circle K Brattvåg legg ned drifta frå 5. februar, ifølgje lokalavisa Nordre. Stasjonen vil drivast automatisk etter denne datoen.

Eigarane Rolf Einar og May Iren Skjelten fortel til avisa at det er med tungt hjarte dei legg ned etter 25 års drift. Sju tilsette misser jobben som følgje av nedlegginga.

– Årsaka til at butikken vert stengt, er at vi har slitt med nedadgåande omsetjing og auka utgifter i fleire år. Då Nordøyvegen, opna, mista vi ytterlegare stor omsetjing når ferga frå Brattvåg til Nordøyane slutta å gå. I tillegg merker vi godt at mange her i kommunen har bytte til elbil, det gir oss stor nedgang i drivstoffvolum, forklarar Skjelten til avisa.