Kort fortalt

Cruiseskip har problem utanfor Ålesund

Går til hamn på grunn av framdriftsproblem.

13.01.2025

NPK-NTB: Cruiseskipet Viking Vela som ligg utanfor Ålesund, seier dei har framdriftsproblem. Skipet går derfor til hamn.

– Skipet har framdriftsproblem. Vi vel å gå til hamn, seier redningsleiar hos Hovudredningssentralen Sør, Edvard Middelthon, til VG.

Ifølgje han er det ikkje sett i gang nokon redningsaksjon eller akutt fare for dei som er om bord.

Skipet har plass til 998 passasjerar og vart sjøsett i fjor. Det har er mannskap på 465 personar.

Meteorolog Magnus Ovhed ved Meteorologisk institutt seier til avisa at det var sterk storm tidlegare på dagen ved Stad, rundt der skipet held til, men at dette har minka ute i havet til stiv og sterk kuling.

Publisert: 13.01.2025 12:43

Sist oppdatert: 13.01.2025 12:43