Ein av seks opplever seg sjølv om fattig

(NPK-NTB): I alt 16 prosent av befolkninga seier dei heilt eller delvis opplever seg som fattige i Frelsesarmeens nye fattigdomsbarometer. Mange må kutte i matinnkjøp.

Frelsesarmeens fattigdomsbarometer for andre kvartal måler korleis nordmenn ser på korleis endringar i økonomien rammar menneske i Noreg. Undersøkinga er utført av Opinion blant 1001 personar over 18 år.

Undersøkinga viser at 43 prosent av befolkninga seier dei har fått forverra økonomi det siste halve året. Ein av seks svarer at dei heilt eller delvis opplever seg sjølve som fattige.

Dette har mellom anna ført til at folk har valt å kjøpe mindre eller mindre sunn mat enn dei elles ville ha ønskt.

– Vi er bekymra over konsekvensane av at mange slit med å få endane til å møtast. Mange svarer at dei legg seg svoltne, ikkje får betalt rekningar på grunn av pengemangel og et mindre og dårlegare mat, seier offiser Irene Mathisen som er koordinator for Frelsesarmeens sosiale arbeid.

I alt 32 prosent av foreldra oppgir at dei har problem med å få endane til å møtast.

(©NPK)