Svak krone er ulempe

(NPK-NTB): 47 prosent av medlemsbedriftene som har svart på NHOs medlemsundersøking meiner den svake krona er ei ulempe

Berre 15 prosent ser den svake krona som ein fordel, viser undersøkinga. Nesten ein av tre bedrifter, 30 prosent, seier den svake krona har liten eller inga betydning for bedrifta deira.

Undersøkinga viser at det er store forskjellar mellom næringane når det gjeld korleis dei blir ramma.

I byggjebransjen og bilbransjen svarer to tredelar at den svake kronekursen er ei ulempe, medan praktisk talt ingen synest ho er ein fordel. Også elektroinstallatørane, service og handel og helse og mediebedriftene reknar den svake krona for det meste som ei ulempe.

På den andre sida meiner eit fleirtal av respondentane innan sjømat, reiseliv og transport den svake krona som ein fordel.

Sjeføkonom i NHO Øystein Dørum poengterer at mange bedrifter får auka kostnader som resultat av den svake krona – på toppen av alle andre kostnadsaukar.

– Fjoråret påførte norske bedrifter det største kostnadssjokket på nesten 50 år, som følgje av auka prisar på vareinnsats, energi og arbeidskraft. Delar av rekninga vart send vidare, men for mange vart også botnlinja ramma. For mange er kronesvekkinga «meir av det same», sidan det aukar kostnadene, og potensielt svekkjer innteninga, skriv han i ein e-post til NTB.

I alt 2.114 bedrifter har svart på undersøkinga.

(©NPK)