Sjømatselskapet Northwest Seafood i Sykkylven hadde eit år med eksplosiv vekst i 2024, ifølgje lokalavisa Nyss.
Selskapet som driv engroshandel med fisk, skaldyr og blautdyr omsette for nær 22 millionar i fjor, ei auke frå knappa 2,8 millionar året før.
Fjoråret baud også på svært og lønnsemd med eit resultat før skatt på 3,5 millionar (sjå tabell under).
– Vi har dyktige, dedikerte og lojale tilsette. Arbeidet som blir lagt ned er av kvalitet, høg fart og volum. Samanlikna med 2024 har vi hatt ein god vekst i første kvartal i år, fortel Hans Fredrik Klokk til avisa.
Han er dagleg leiar, styreleiar og eigar av selskapet som hadde sine første inntekter i 2023.
| Northwest Seafood AS | ||
| Tal i mill. kroner | 2024 | 2023 |
| Driftsinntekt | 22 | 2,8 |
| Driftsresultat | 3,5 | 0,6 |
| Resultat før skatt | 3,5 | 0,6 |
Publisert: 14.04.2025 11:03
Sist oppdatert: 14.04.2025 11:03
