Ferjekaptein tapte søksmål mot Fjord1

Møre og Romsdal tingrett ga ikkje medhald til Erlend Lindseth i kampen for å få tilbake jobbe som ferjekaptein i Fjord1, melder Sunnmørsposten.

Lindseth tapte saka fullstendig og må betale over 180.000 kroner i sakskostnader til Fjord1. Han fortel til avisa at han ikkje er samd i dommen, og at det blir jobba med ein anke.

Ferjekapteinen blei oppsagt, etter at Lindseth ved sidan av Fjord1-jobben, la inn anbod på drift av eit mindre ferjesamband i Nordland, gjennom eit selskap han seinare selde seg ut av.

Fjord1 meiner Lindseth har brote arbeidsreglementet og dei etiske retningslinjene for tilsette, og det sa tingretten seg samd i, ifølgje avisa.