Fiksdal blir varaordførar

Frps Anne Marie Fiksdal frå Vestnes blir varaordførar i fylkestinget i Møre og Romsdal.

Det opplyser fylkeslaget i ei pressemelding etter eit konstituerande møte i fylkestingsgruppa til Fremskrittspartiet.

Gruppa består av ti representantar som skal bli leia av Frank Sve frå Stranda. Tre av desse får også plass i fylkesutvalet.

Geir Stenseth frå Ålesund blir leiar av kompetanse og næringsutvalet, medan Hans Olav Myklebust frå Ørsta blir leiar av samferdsleutvalet.