Fjordhotell er Årets lærebedrift

Molde Fjordhotell er kåra til Årets lærebedrift 2022 av Møre og Romsdal fylkeskommune.

- Bedrifta arbeider svært godt med inkludering og tilrettelegging for eit godt arbeids- og læringsmiljø, heiter det i grunngjevinga for prisen.

Molde Fjordhotell, tidlegare Molde Fjordstuer, har sidan starten i 2002 jobba aktivt med opplæring av lærlingar, både på kjøkkenet, i restauranten og i resepsjonen.

Bedrifta er medlem av opplæringskontoret for hotell, restaurant- og matfag, og godkjent lærebedrift i kokkfaget, resepsjonsfaget og reiselivsfaget, skriv fylkeskommunen i meldinga.