Fleire kjøper bustad saman

(NPK-NTB): Etter ti år med fall, steig delen bustadkjøparar som kjøper saman med andre i fjerde kvartal i fjor.

Trendbrotet er særleg markant i Oslo, ifølgje Norges Eiendomsmeglerforbund, som set utviklinga i fjerde kvartal i samanheng med tiltakande prisvekst på bustader, spesielt i hovudstaden.

– Låge renter gir eit sterkt insentiv til å kjøpe bustad fordi det er økonomisk mykje gunstigare enn å leige. Mange løyser dette ved å kjøpe saman med andre, noko som gjer at dei kan klare å innfri krava til inntekt og eigenkapital for å få bustadlån, seier administrerande direktør Carl O. Geving i Norges Eiendomsmeglerforbund.

(©NPK)