Fleire vil ha helseforsikring via jobben

(NPK): Sju av ti er positive til at arbeidsgjevar teiknar helseforsikring for dei tilsette.

Stadig fleire er positive til helseforsikring gjennom jobben. Ifølgje tal frå Kantar helsepolitisk barometer 2024, svarar over halvparten at dei også synest det er positivt at dei som kan nyttar seg av helseforsikringa for raskare behandling i privat helsevesen, fordi det avlastar og gir kortare køar i det offentlege.

Ved utgangen av 2023 hadde 816.000 nordmenn helseforsikring, og 90 prosent av desse var dekt gjennom arbeidsgivar.

– Folk blir stadig meir positive til helseforsikring og ser at ho er eit viktig supplement til eit pressa offentleg helsevesen. Samtidig opplever vi ein sterk auke i kor mange tilsette som faktisk brukar helseforsikringa si via jobben. Fordelen for både arbeidsgivar og arbeidstakar er at vi kan hjelpe folk raskare til diagnose og behandling og raskare tilbake i jobb, seier dagleg leiar for forsikringsselskapet If Vertikal Helse, Urd Pedersen i ei pressemelding.

(©NPK)