Forbruksgjelda held fram veksten

(NPK-NTB): 1. juni var den totale forbruksgjelda i Noreg på 165,1 milliardar kroner, ifølgje Norsk Gjeldsinformasjon.

Det var ein auke på 1,8 milliardar kroner på ein månad, og den totale auken hittil i 2024 har vore på 4,7 milliardar kroner, skriv selskapet i ei pressemelding.

– Forbruksgjelda held fram veksten og vi må tilbake fire år for å finne same nivå. Auken i renteberande kredittkortgjeld tyder på at nokre ikkje klarer å betale alt ved forfall, noko som gir grunn til bekymring, seier dagleg leiar Svein Ove Karstensen i Norsk Gjeldsinformasjon.

Kredittkortgjelda til nordmenn auka med 1,6 milliardar kroner i mai, medan auken i nedbetalingslån låg på 0,2 milliardar.

(©NPK)