Forlengjer lønskompensasjon ut juni

Regjeringa foreslår å forlengje lønnskompensasjonen fram til 30. juni. I tillegg vil dei løyve ytterlegare 100 millionar kroner til bedriftsintern opplæring.

Det kjem fram i forslaget som vart lagt fram fredag.

– Det viktigaste vi kan gjere for å redusere dei langsiktige konsekvensane av pandemien, er å sørgje for at folk kjem raskt tilbake i jobb. I tillegg vil denne ordninga gjere det lettare å hente tilbake folk som kan jobbe med å førebu bedrifta på den dagen aktiviteten tek seg opp igjen, seier finansminister Jan Tore Sanner (H).