Framleis god lønnsemd for Polaris

Avisene på Nordvestlandet, som består av Sunnmørsposten, Romsdals Budstikke og ei rekke lokalaviser, auka inntektene frå 182,5 millionar første halvår i fjor, til 187,8 millionar kroner i år.

Driftsoverskotet enda på 31,9 millionar – ned frå 34,1 millionar i same periode i fjor.

Konsernet viser ei tilsvarande utvikling når det kjem til omsetning og resultat.

Bortfall av annonsesalsavtaler med Finn.no og kraftig auke i papirprisane, i tillegg til meirkostnader i samband med nye satsingar og teknologi, blir oppgitt som årsaka til det svakare resultatet, kjem det fram i børsmeldinga.