Gjekk konkurs etter at vegen blei lagt om

Lerstad Bensin er konkurs som følgje av kraftig nedgang i besøket etter vegomlegging, ifølgje Sunnmørsposten. 

Trafikken er lagt om grunna arbeid med å bygge firefeltsveg og ny sykkelundergang ved stasjonen, og etterpå slutta mange av bilistane å svinge innom. 

– Då vegen vart lagt om, mista vi om lag 300 kundar i veka. Då finst det ikkje lenger grunnlag for å betale rekningane, seier dagleg leiar i Lerstad Bensin AS, Synnøve Dahlen, til avisa. 

Sunnmøre tingrett har opna konkurs i selskapet etter at det blei meldt oppbod. Gjelda er på 1,4 millionar og verdiane på kring 400.000 kroner.