Gjelda aukar for norske hushald

Innanlandsgjelda til norske hushald voks rakare i april enn i mars, og ligg på 3.856 milliardar kroner.

Nye tal frå Statistisk sentralbyrås kredittindikator viser at tolvmånadersveksten i den innanlandske lånegjelda til publikum var 5,0 prosent fram til utgangen av april, opp frå 4.8 prosent månaden før.

Gruppa «publikum» omfattar kommuneforvaltninga, dei institusjonelle sektorane og ikkje-finansielle føretak i tillegg til hushalda.

Av den innanlandske gjelda til publikum var 81 prosent utlån frå bankar og kredittføretak, og denne gruppa hadde totalt lånt 5.180 milliardar kroner herfrå innan utgangen av april. Utlånsveksten frå bankar og kredittføretak var samla 5,0 prosent, og opp frå 4,7 prosent frå månaden før.

Utanlandsgjelda derimot var redusert i 1. kvartal av 2021 til 1.489 milliardar kroner frå 1.530 milliardar kvartalet før.