God lønnsemd for klatrepark

Valldal Aktivitetspark fekk eit nytt solid år i fjor, viser rekneskapa som no er offentleg.

Med 3,4 millionar kroner i inntekter fekk klatreparken si høgaste omsetning sidan 2017. Lønnsemda har også vore god dei siste par åra, etter mager inntening i 2018 og 2019.

Både 2020 og 2021 gav resultat før skatt på meir enn ein halv million. Det gir ein resultatmargin på godt over ti prosent.

Dagleg leiar Erlend Hjelme og Gro Marita Valdal eig 45 prosent kvar av selskapet, medan Nils Jarle Hjelme eig ti prosent i klatreparken.