Golden Energy-finansiering er komplett

Golden Energy Offshore Services melder tysdag at dei har på plass ny finansiering for alle sine skip. 

I slutten av juni fortalde reiarlaget i Ålesund at dei hadde sikra ny finansiering for seks av sju fartøy. No er også Energy Swan-fartøyet inkludert, ifølgje børsmeldinga.

Reiarsjef Per Ivar Fagervoll omtala avtalen som ein «game changer». Den skal mellom anna føre til ein reduksjon på 50 prosent  av reiarlaget sine månadlege kapitalkostnader.