Har funne lus på pukkellaks

Havforskingsinstituttet fann at pukkellaks kan vere ein vert og kjelde til lusesmitte i kyst- og fjordstrøk, sjølv om pukkellaksen generelt hadde få lus.

– Dei hadde i snitt færre lus enn dei stadeigne laksefiskane våre. Men pukkellaksane utgjer mange moglege vertar og kan dermed leggje til rette for meir lakselus i sjøen, forklarer havforskar Rosa Maria Serra-Llinares til Havforskingsinstituttet.

Pukkellaks er kjend for å ha større motstandsdyktigheit mot lakselus, men det gjeld først og fremst ung fisk som nyleg har vandra ut frå elva.

– Immuniteten ser ut til å forsvinne eller bli redusert når pukkellaksane blir kjønnsmodne og trekkjer mot kysten igjen, forklarer Serra-Llinares.

I lakselusteljinga i sommar fann forskarar desidert mest skottelus på pukkellaksen.