Hareid Group leverer til hydrogenferjer

Hareid Group er sikra ny kontrakt med Myklebust Verft for levering av komplette elektroinstallasjonar til to hydrogendrivne ferjer. 

Dagleg leiar Tor Marthin Sørli i HG Teknikk omtalar ferjene som blir bygd for Torghatten for banebrytande. 

Han fortel også at det er stor aktivitet i marknaden og at dei ventar svært høg aktivitet frå midten av 2025 og dei neste åra framover.

Oppdraget for Myklebust-verftet inkluderer alt frå elektrodesign og -integrasjon til kontrollroms- og brokonsoller, brannalarm, navigasjon og kommunikasjonssystem til kameraovervaking, underhaldnings- og informasjonssystem og belysning. 

Dei to fartøya er omtala som verdas lengste hydrogenferjer, og skal trafikkere Vestfjorden mellom Bodø og Lofoten/Røst. Begge skal leverast i løpet av 2026.