Havila Kystruten tener meir per lugar

Havila Kystruten opplyser at snittinntekta per lugar auka med 23 prosent i juni i år, samanlikna med same månad i fjor. Det kjem fram i ei børsmelding. 

For augneblinken er snittinntekt per lugar for 2025, også opp meir enn 20 prosent frå i fjor. 

Dei totale billettinntektene gjekk opp med meir enn 20 prosent frå året før.

Per i dag er kring 65 prosent av kapasiteten for 2025 booka, medan 25 prosent av kapasiteten for neste år er bestilt. 

Bestillingane gjer at reiarlaget ventar framleis vekst i omsetning og overskot inn i neste år, opplyser reiarlaget i børsmeldinga.