Held koken etter rekordår

Rufo i Hovdebygda klarte å halde inntektene på eit rekordhøgt nivå også i fjor.

Rekneskapen for 2023 viser ei omsetning på knappe 28 millionar – berre hakket under rekordåret i 2022 (sjå tabell under).

Lønnsemda gjekk ned med eit resultat før skatt på nær ein halv million. Året før var overskotet på meir enn 2,6 millionar – det beste i bedrifta si historie.

Rufo lagar transportkasser, opphaveleg for kultur og musikkbransjen, men etterkvart også for industrien, mellom anna i oljebransjen.

Då koronapandemien fekk bedrifta svi som følgje av at kultur- og musikkbransjen måtte halde stengt, eller arbeide under smittevernrestriksjonar. I åra etterpå har dei auka aktiviteten ved å finne fleire bein å stå på.

Dei siste to rekneskapsåra har det også vore rom for eit samla utbytte på 1,8 millionar til eigarane.

Rufo er eigd av selskapet Godt Lag, som har selskapa Steinnes & Krøvel (63,865 prosent) og Krysse (36,135 prosent) som aksjonærar.