Henta inn pengar til 7,70 kroner aksjen

For å finansiere fase to i utbygginga av landanlegget på Indre Harøy, har Salmon Evolution henta inn 500 millionar kroner i ein privat tilrettelagt emisjon.

Fleire primærinnsidarar har deltatt i teikninga av nye aksjar, opplyser selskapet i ei børsmelding onsdag.

Anne Breiby har teikna seg for 64.935 aksjar, Odd Frode Roaldsnes for 250.000 aksjar, Glen Bradley for 25.974 aksjar, Trond Vadseth Veibust 32.468 aksjar, og Halsebakk-selskapet Ronja Capital II, som er tilknytta Tore Tønseth, med 2.597.403 aksjar.

I tillegg har Ronja Capital II lånt ut 16.318.598 aksjar til DNB Markets, som skal stå bak tildelinga av aksjane.