Peggy Hessen Følsvik (60) vart torsdag vald til ny leiar i LO etter at Hans-Christian Gabrielsen døydde 9. mars.
Det vart klart på LOs representantskapsmøte torsdag, skriv TV 2.
Peggy Hessen Følsvik var tidlegare nestleiar og har vore fungerande leiar sidan Hans-Christian Gabrielsen døydde brått i heimen sin 9. mars.
Ho skal sitje fram til LO-kongressen i juni neste år.
Peggy Hessen Følsvik har bakgrunn som kabintilsett i Widerøe og Braathens SAFE og vart i 2017 vald til første nestleiar i LO. Ho er oppvaksen på øya Vigra i Giske kommune utanfor Ålesund.
Publisert: 06.05.2021 14:38
Sist oppdatert: 06.05.2021 14:39
