Hevar beredskapen før uvêret Jakob

(NPK-NTB): Når uvêret Jakob rammar Vestlandet, kan det gå hardt utover både straum og kommunikasjon. Derfor hevar Nasjonal kommunikasjonsmyndigheit (Nkom) beredskapen.

– E-komnetta i Noreg er generelt robuste, og vi har tre mobilaktørar som i større eller mindre grad har eige nett. Når det no blir varsla ekstremvêr i store delar av Møre og Romsdal, Vestland og Rogaland, er det moglegheiter for brot både i straumnett og e-komnetta. Nkom har derfor heva beredskapen, og samtidig bede e-komaktørane om å seie frå dersom dei opplever små eller større hendingar som påverkar tilgang til internett og mobiltelefoni, seier tryggingsdirektør Svein Scheie i Nkom i ei pressemelding.

Dei rår mellom anna folk om å ha lada opp mobiltelefon, PC, batteripakke og elbil på førehand.

Nkom ber også aktørane innan elektronisk kommunikasjon om å ha låg terskel for å rapportere om hendingar.

(©NPK)