Høgaste valdeltaking sidan 1989

(NPK-NTB): Av dei over 4 millionar stemmeføre i Noreg var det 79,9 prosent som stemde i stortingsvalet i år.

Det viser tal frå Valdirektoratet , og det er den høgaste valdeltakinga på 36 år.

Valdeltakinga var høgast i Hordaland, der 82,4 prosent stemde. Lågast var deltakinga i Finnmark der 74,1 prosent stemde.

Det var TV 2 som først melde at valdeltakinga ikkje har vore høgare sidan 1989.

Ein kommentator og ein analytikar som kanalen har snakka med, peikar på Simen Velle, leiaren for Framstegspartiets Ungdomsparti (FpU), som ei av årsakene til den høge valdeltakinga.

Velles engasjement og bruk av sosiale medium for å nå ut til unge veljarar kan ha bidrege til at fleire yngre veljarar stemde ved valet i år, trur Dagbladets kommentator Martine Aurdal og TV 2s valanalytikar og talknusar Terje Sørensen.

(©NPK)