NPK-NTB: Høgre vil verken avgrense eksporten av straum eller innføre ein makspris, seier energipolitikaren i partiet Nikolai Astrup.

Fleire parti og fagrørsla har teke til orde for ein makspris på straum. Statsminister Jonas Gahr Støre (Ap) sa nyleg til NTB at han er skeptisk til det, men at regjeringa greier ut to variantar av makspris.

Astrup, som sit i energi- og miljøkomiteen på Stortinget, seier at han ikkje ønskjer makspris.

– Ein makspris på straum vil i verste fall kunne føre til ein endå verre situasjon med rasjonering av straum. Det kan føre til at vi ikkje har lys i husa, seier Astrup til Klassekampen.