Høgre under 20 prosent

NPK-NTB: Arbeidarpartiet er tilbake over 20 prosent oppslutning på NRKs januarmåling. Framstegspartiet er stadig størst, medan Høgre minkar.

Frp får 23,7 prosent på målinga som Norstat har gjort for NRK i januar, ned 4 prosentpoeng frå desember. Ap er nest størst på 20,2, prosent etter ein oppgang på 3,4 prosentpoeng.

Målinga er svak for Høgre, som for første gong på tre år er under 20 prosent. Fasit er 19,8 prosent, ned 0,9 prosentpoeng frå desember.

Svake målingar og debatt rundt partileiar og statsminister Jonas Gahr Støre prega Ap før jul.

– Det er oppmuntrande og inspirerande, men det er frå eit veldig lågt nivå. Eg håpar vi skal kunne vinne større oppslutning framover, seier Støre til NRK om oppgangen.

For resten av partia er oppslutninga slik (utvikling i prosentpoeng sidan førre måling i parantes): SV 8,7 (+1,8), Raudt 5,9 (-0.9), Venstre 5,8 (+1), Senterpartiet 4,9 prosent (+0,2), KrF 3,9 (-0,3), MDG 3,3 (-0,6), andre parti 3,8 (+0,1)

Målinga er basert på 992 intervju i perioden mellom 8. og 13. januar og har ein feilmargin på 1,3-3,3 prosentpoeng.