IMF ventar høgare vekst i norsk økonomi

(NPK-NTB): IMF ventar at den økonomiske aktiviteten i Noreg gradvis vil betre seg og at realinntektene vil auke igjen, slik at dei fleste vil få betre råd i kvardagen.

I rapporten frå det internasjonale pengefondet (IMF) blir det trekt fram at den norske arbeidsmarknaden har halde seg solid og at inflasjonen er på veg ned. Det blir også slått fast at Noreg har høgare produktivitet enn mange andre land, men at veksten har vore svak dei siste åra.

– IMF deler vårt syn om at aktiviteten i norsk økonomi er aukande og at folk vil få litt meir romsleg økonomisk. Det er i tråd med målet til regjeringa om at folk igjen skal få betre råd og kjenne tryggleik rundt eigen økonomi, seier finansminister Trygve Slagsvold Vedum (Sp).

(©NPK)