Industriproduksjonen gjekk opp

(NPK-NTB): Det var meir aktivitet i norsk industri i juli enn månaden før. Høgare prisar på nokre varer førte også til at industrien omsette for meir.

Sesongjusterte tal viser at industriproduksjonen auka med 1,4 prosent frå juni til juli, skriv Statistisk sentralbyrå.

Særleg oljeraffinering, kjemisk industri og farmasøytisk industri gjorde det godt og bidrog til auken. Bygging av skip og oljeplattformer auka òg, medan metallindustrien slit.

På grunn av eit fall i mai viser trenden at det er eit fall i produksjonen i tremånadersperioden mai-juli.

Tala for industriomsetning viser at det var ein auke i den same perioden, noko som i stor grad kan komme av prisauke i næringsmiddelindustrien.

(©NPK)