Ingen av dei 15 om bord kom til skade då fiskebåten Koralhav gjekk på ei grunne sør for Litlbjørnøya i Nordland natt til måndag, skriv Sunnmørsposten.
Fartøyet fekk hjelp frå ei redningsskøyte og måtte vente på tidevatnet, då den blei slept av grunna.
Dagleg leiar Ronny Nogva i Brattvåg-selskapet fortel til avisa at situasjonen gjekk «ryddig» føre seg. Det skal ikkje vere synlege skader på båten, men den går likevel til Sandnessjøen for ein sjekk, skriv avisa.
Publisert: 10.02.2025 10:43
Sist oppdatert: 10.02.2025 10:43
