Innovasjonstøtte til Nordvestlandet

Arctic Bioscence i Ørsta og Ecobait i Måløy to av 27 bedrifter som deler på i alt 283 millionar kroner i støtte til innovasjonprosjekt i næringslivet.

Arctic Bioscience får 4,8 millionar kroner i støtte og Ecobait får 15,8 millionar, ifølgje ei pressemelding frå Næringsdepartementet.

Arctic Bioscience lagar helsekostprodukt basert på silderogn, og er i ferd med å utvikle to legemiddel basert på det same råstoffet. Det eine legemiddelet skal redusere symptom på hudsjukdomen psoriasis, det andre skal hjelpe til med å hjerneutviklinga hos tidlegfødde.

Ecobait utviklar agn som kan hindre bifangst av trua fiskeartar innanfor line og teinefiske.