Karantene frå Spania og Frankrike

Frå måndag blir det krav om innreisekarantene frå landa Frankrike, Monaco, Portugal og Spania. Dette gjeld for alle utan gyldig koronasertifikat.

Landa er endra frå oransje til raudt på smittekartet, opplyser regjeringa på nettsidene sine.

Også reisande frå øygruppa Asorane tilhøyrande Portugal, regionen Norra Savolax SVD i Finland og regionane Gotland og Västernorrland i Sverige får no krav om innreisekarantene.

Endringane trer i kraft frå midnatt, natt til måndag 29. november.

– Innreisekarantene gjeld berre for reisande frå raude, mørkeraude og grå land (land og område utanfor EØS/Schengen og Storbritannia) som ikkje har eit gyldig, verifiserbart koronasertifikat, opplyser regjeringa.

Helse- og omsorgsdepartementet opplyser at ingen land no er grøne.

Av europeiske land held kravet om innreisekarantene fram for Kypros, Romania, Andorra, Belgia, Bulgaria, Estland, Hellas, Irland, Island, Kroatia, Latvia, Liechtenstein, Litauen, Luxembourg, Nederland, Polen, Slovakia, Slovenia, Storbritannia, Sveits, Tsjekkia, Tyskland, Ungarn og Austerrike.

I tillegg er det framleis innreisekarantene for ei rekkje regionar i Sverige, Danmark og Finland.