Internasjonal film kan bli spelt inn i Ørsta

(NPK): Truenorth Norway AS jobbar for å få ein internasjonal filmproduksjon til Noreg, og Hjørundfjorden er aktuell som innspelingsplass.
Selskapet Truenorth Norway AS har sendt inn ein søknad til Ørsta kommune om landingsløyve for helikopter, melder Møre-Nytt. Selskapet, som har som oppgåve å få internasjonale filmproduksjonar til Noreg, ønsker å ha synsfaring ved Skårasalen, Blåbretinden, Slogen, Dalegubben, Urkeegga og Saksa for å finne ut om dette kan vere aktuelle lokalitetar.
Truenorth Norway får årleg støtte frå staten for arbeidet dei gjer.
(©NPK)