It-bedrift i Stryn er kjøpt opp

It-selskapet Sico Data i Stryn med seks tilsette, er kjøpt opp av Columbi Micro, ifølgje Sunnmørsposten.

Kjøparane har hovudkontor i Moss, men er mellom anna også representert i Ålesund og Førde.

Stryn-selskapet går inn i Columbi Micro, som etter oppkjøpet vil telle 40 tilsette, blir det opplyst i ei pressemelding. Dei ventar ei omsetning i år på kring 90 millionar.

I det siste offentlege rekneskapen i 2022 omsette selskapet for knappe 44 millionar og hadde ein resultatmargin på kring ti prosent.