Kort fortalt

Justerer opp prognosane for bustadmarknaden

Er meir optimistiske enn for eit halvt år sidan.

29.07.2024

(NPK-NTB): Analytikarane i SR-Bank ser meir optimistisk på bustadmarknaden no enn for eit halvt år sidan. Gjennomsnittsprisen skal opp 3 prosent i år, spår banken.

Samla sett ventar SR-Bank no ein vekst i bustadprisane på 3 prosent i Noreg i 2024. Det er 2 prosentpoeng over forventningane banken gav til kjenne i februar, ifølgje TV 2.

Svært låg bustadbyggjeaktivitet, sterk økonomisk utvikling i Noreg og venta solid reallønnsvekst i år kjem til å trekkje prisutviklinga oppover, ifølgje sjeføkonom Kyrre M. Knudsen.

Aller høgast blir veksten i Stavanger med 6 prosent. Oslo er venta å få ein prisvekst på 4 prosent i 2024, medan Kristiansand blir spådd ein prisvekst på 5 prosent og Bergen ein prisvekst på 4 prosent.

Knudsen ventar likevel ein noko svakare haust enn normalt, mellom anna fordi renta allereie er høg og at den siste kronesvekkinga kan føre til at rentenivået held seg høgt lengre enn venta. I verste fall står vi overfor ein ny renteauke.

(©NPK)

Publisert: 29.07.2024 08:19

Sist oppdatert: 29.07.2024 08:19

Mer om