Kjøkkenbutikk med seks tilsette konkurs

Møre og Romsdal tingrett opna tysdag konkurs i selskapet Traktøren Molde etter at leiinga melde oppbod.

Retten har fått opplyst at selskapet har ei gjeld på kring to millionar. Det skal vere verdiar for kring 210.000 kroner.

Verksemda som hadde seks tilsette, er no innstilt.

Traktøren Molde blei starta i 2021 og har stått bak drifta av ein butikk som har selt kjøkkenutstyr.

Tre av fire rekneskapsår har enda med underskot, og omsetninga har svinga mellom 2,7 og 3,8 millionar dei siste åra.

Bustyrar i saka er Anna Reistad og første skiftesamling er planlagt 1. oktober.