NPK-NTB: Kongsberg Defence & Aerospace skal levere fleire Nasams-luftvernsystem til Litauen. Kontrakten er verd 193 millionar euro, over 2,2 milliardar kroner.
Avtalen er signert med Forsvarsdepartementet i Litauen. Som ein del av kontrakten vil Litauen også oppgradere delar av Nasams-utstyret som landet skaffa i 2017, melder det norske selskapet.
– Nasams-systemet er ein viktig forsvarskapasitet gitt den geopolitiske situasjonen i verda. Kontrakten med Litauen styrkjer også partnarskapen i landet med Nato, seier Eirik Lie, administrerande direktør i Kongsberg Defence & Aerospace.
Tidlegare har Litauens forsvarsdepartement kjøpt Nasams-utskytingseiningar for donasjon til Ukraina.
Publisert: 04.10.2024 09:41
Sist oppdatert: 04.10.2024 09:41
