Konkurs etter krav om løn og feriepengar

Møre og Romsdal tingrett har opna konkurs i selskapet FRG Bygg Volda.

I rettspapira kjem det fram at bakgrunnen for konkursen er krav på løn og feriepengar frå ein tidlegare tilsett. Kravet var kome opp i kring 135.000 kroner.

Innehavaren av byggefirmaet erkjente at dei skulda pengar, utan at vedkomande kunne stadfeste den eksakte summen. Vidare fekk retten opplyst at det ikkje var midlar til å betale.

Verdiane i selskapet bestod av verktøy og eit mindre pengebeløp, medan den samla gjelda blei anslått til ein halv million kroner, går det fram av rettsavgjerda.

Den siste tida har det vore lite verksemd i selskapet, får Nett No opplyst av bustyrar Espen Rekkedal. Han seier vidare at det er for tidleg å seie noko meir om bakgrunnen til konkursen.

FRG Bygg Volda blei starta i 2008, og har på det meste omsett for fem-seks millionar årleg.