Konkurs etter over 40 år i bransjen

Møre og Romsdal tingrett opna måndag konkurs i selskapet Gunnar Aal Transport, etter at det blei meldt oppbod. 

Sju tilsette er sagt opp og verksemda er innstilt, ifølgje rettspapira. Gjelda er på kring 350.000 kroner, og det er ikkje verdiar att i selskapet. 

Transportselskapet i Stranda har vore i bransjen minst sidan starten av 1980-talet. 

Dei siste åra har omsetninga vore i underkant av 20 millionar, men selskapet har slitt med lønnsemda. Fire av dei fem siste rekneskapane i Brønnøysundregistera har gått i minus og eigenkapitalen var tapt for fleire år sidan.

Bustyrar i saka er Trond Sinvø og første skiftesamling er 28. april.