Konkurs for byggfirma i Stryn

Sogn og Fjordane tingrett har opna konkurs i selskapet Tour De Flo frå Stryn, ifølgje Sunnmørsposten. 

Ifølgje avisa var det  Skatteetaten som kravde oppbod med eit krav på 666.566 kroner.

Styreleiaren møtte ikkje opp i retten, men selskapet hadde meldt frå at dei ikkje hadde innvendingar til konkurskravet.

Firmaet blei starta i 2013 og hadde kring 8,6 millionar kroner i omsetning i 2022, som er det siste året det er levert rekneskap.

Advokat Thore Heggen er bustyrar i saka, og skiftesamlinga er planlagt 9. januar.