Konkurs for Møre Konfeksjon

Tysdag blei det meldt oppbod for dei fire selskapa Møre Konfeksjon, Møre Konfeksjon Bergen, Møre Konfeksjon Volda og Konfeksjonsindustri As, ifølgje Møre-Nytt.

Ifølgje bustyrar Jørund Knardal er omsetningssvikt mellom årsakene til konkursane.

Møre Konfeksjon har ifølgje avisa vore i bransjen sidan 1956 då dei etablerte seg som Møre Konfeksjonsfabrikk i Volda. I 2021 flytta dei til Ørsta.

Skiftesamlingane for alle selskapa går i Møre og Romsdal tingrett i midten av mars.