Framdrifta på vegprosjektet Blindheim–Flisnes i Ålesund kan bli bremsa som følgje av konkurs i entreprenørselskap, ifølgje ei melding frå Bypakke Ålesund-prosjektet.
Tidlegare tysdag meldte mellom anna Dagens Næringsliv at Egersund-baserte Bertelsen & Garpestad melde oppbod etter store tap på prosjekt og manglande kapital.
Prosjektsjef Torbjørn Vatnehol i Møre og Romsdal fylkeskommune trur det er sannsynleg at konkursen får betydning for framdrifta ved vegprosjektet.
- Vi vil komme tilbake med meir informasjon så snart dette er avklart, legg Vatnehol til.
Arbeidet entreprenørselskapet gjorde i Ålesund er del av bypakka i Ålesund. Oppdraget hadde ein verdi på 230 millionar utan moms, og var mellom dei største kontraktane i prosjektet
Publisert: 03.03.2026 22:47
Sist oppdatert: 03.03.2026 22:47
