Krykkjebestanden sterkt trua

Bestanden av sjøfuglen krykkje er meir enn halvert på 30 år. Sjøfuglen har no status som sterkt trua på den norske raudlista.

Klassekampen skriv at bestanden av fuglen i måkefamilien er redusert med 60 til 80 prosent langs kysten av Noreg. Sjøfuglen trekkjer mot land og lagar fuglefjell i gamle hus.

Det er både eit teikn på at han er trua ved at mattilgangen til sjøs er dårleg, men også ei mogleg redning for fuglen, seier Signe Christensen-Dalsgaard ved Norsk institutt for naturforsking.

– Det at krykkja oppsøkjer menneske og etablerer seg i urbane strøk, kan vere med på å redde heile bestanden. Forskinga vår viser at desse byfuglane klarer seg betre enn i dei tradisjonelle krykkjekoloniane, seier ho.

Det blir no jobba med å setje opp eit fuglehotell på Røros, og forskaren ber folk ta vare på krykkja der den måtte slå seg ned.

– Det er ikkje krykkje som er aggressiv og stuper ned etter pølsebrødet ditt. Slikt er det stormåse og fiskemåke som gjer, seier Nina-forskaren.