Laber bustadbygging

NPK-NTB: Igangsetjing av nye bustader i oktober er 40 prosent under same månad i fjor. Bustadprodusentane har aldri målt så låge tal for oktober månad.

Siste tolvmånadersperiode er 15 prosent under førre periode og det lågaste målt sidan 1999, ifølgje Boligprodusentenes Forening.

Det blir bygd langt færre bustader enn det er behov for, ifølgje administrerande direktør Lars Jacob Hiim.

– Den låge byggjeaktiviteten er alvorleg for bustadforsyninga og får langvarige konsekvensar for dei som treng ein bustad. I tillegg nedbemannar næringa og mistar kompetanse som det vil ta tid å byggje opp igjen, seier Hiim.

Så langt i år er det starta bygging av 9636 bueiningar, som er 5 prosent lågare enn på same tid i fjor.