Lakseprisen stig igjen

(NPK-NTB): Lakseprisen stig ytterlegare etter fleire veker med nedgang, viser tal frå SSB. Dei to siste vekene har kiloprisen på eksportlaks auka med nesten 4 kroner.

Lakseprisen hadde falle betrakteleg frå 82,7 kroner kiloen i veke 24 til 60,6 i veke 31, før han førre veka byrja å auke noko. Han er no oppe i 64,3 kroner, viser SSBs vekevise oversikt. Auken er på 3,8 prosent frå veka i førevegen, då kiloprisen for eksportlaks var på 62 kroner.

Trass i prisstiginga er prisen stadig langt lågare enn i tidlegare år. I veke 33 i 2023 var kiloprisen 78,1 kroner for laks, medan han i same veke i 2024 var oppe i 80,9 kroner.

Det vart eksportert 27.320 tonn fersk laks frå Noreg i løpet av førre veke. Det er 5,9 prosent meir enn veka før, der volumet var 25.796 tonn.

Det vart samtidig eksportert 732 tonn frosen laks til kilopris på 75,7 kroner.

(©NPK)