Liten jobbvekst i sommar

(NPK-NTB): Frå juni til juli var det 13.500 fleire personar i jobb i Noreg, og pendlarar stod for 10 prosent av jobbveksten.

Den totale veksten var på 0,5 prosent, viser tal frå Statistisk sentralbyrå.

– Frå juni til juli er det ofte eit fall i talet på lønnstakarar, men nedgangen i år er litt mindre. Dei førebelse sesongjusterte tala for juli viser dermed ein liten vekst, seier Tonje Køber, seksjonssjef i byrået.

Så langt i år har det vore små endringar i talet på folk i arbeid og jobb, og dei fleste månadene har sesongjusterte tal vist ei lita negativ utvikling.

I tråd med det som er vanleg om sommaren, er det dei under 25 år som har ein jobbvekst i sommar, medan resten av aldersgruppene har ein nedgang.

(©NPK)