NPK-NTB: LO-sjef Hans Christian Gabrielsen meiner eigarar tappar overskot ut av verksemdene og at det går utover dei tilsette. Han krev lønnsvekst i lønnsoppgjeret i år.
Hans Christian Gabrielsen seier til NRK at det ligg til rette for auka kjøpekraft og reallønnsauke i år. Han meiner folk flest skal få ta del i overskota i næringslivet, slik som bedriftseigarane får.
– Det vi ser er at i enkelte bransjar stikk bedriftseigarar av med stadig større del av den verdiskapinga som skjer, og det er ei utvikling vi ikkje kan la fortsetje over tid. Det fører til at det blir auka forskjellar og ei skeivfordeling av verdiskapinga, seier LO-sjefen.
Årets lønnsoppgjer er eit såkalla mellomoppgjer, der det blir berre forhandla om lønnsregulering. Det er LOs representantskap som tek stilling til kva som skal vere LOs retningslinjer ved oppgjeret. Representantskapet er innkalla til møte tysdag.
Hans Christian Gabrielsen seier til NRK at det ligg til rette for auka kjøpekraft og reallønnsauke i år. Han meiner folk flest skal få ta del i overskota i næringslivet, slik som bedriftseigarane får.
– Det vi ser er at i enkelte bransjar stikk bedriftseigarar av med stadig større del av den verdiskapinga som skjer, og det er ei utvikling vi ikkje kan la fortsetje over tid. Det fører til at det blir auka forskjellar og ei skeivfordeling av verdiskapinga, seier LO-sjefen.
Årets lønnsoppgjer er eit såkalla mellomoppgjer, der det blir berre forhandla om lønnsregulering. Det er LOs representantskap som tek stilling til kva som skal vere LOs retningslinjer ved oppgjeret. Representantskapet er innkalla til møte tysdag.
Publisert: 19.02.2019 08:38
Sist oppdatert: 10.02.2021 15:36
