NPK-NTB: Noreg, Storbritannia og Færøyane er samde om ein avtale om forvalting, fordeling og tilgang til å fiske makrell i farvatna til kvarandre.

Avtalen handlar mellom anna om storleiken på dei nasjonale kvotane, sonetilgang og vitskapleg samarbeid, opplyser Nærings- og fiskeridepartementet.

Avtalen gjeld inntil vidare for tre år. Den norske totalkvoten for 2024 blir rundt 230.000 tonn.

Avtalen opnar for at Noreg kan fiske delar av kvoten sin i den økonomiske sona til Storbritannia, i praksis farvatnet rundt Shetland.

I fjor omsette norske fartøy makrell til ein førstehandsverdi på cirka 3,8 milliardar norske kroner.