Mange har ikkje opna skattemeldinga

Fristen for å levere ho er 30. april.

– Dei som ikkje sjekkar, kan gå glipp av pengar dei har krav på. Sjekkar du ikkje, er det ein risiko for at du anten får for lite skatt eller for mykje, seier divisjonsdirektør Marta Johanne Gjengedal i Skatteetaten til P4.

Fristen for å levere skattemeldinga er 30. april, som er om vel ei veke. Sjølv om det er mange som ikkje har opna skattemeldinga si, så har allereie 2,4 millionar nordmenn sendt henne inn.

Forbrukarøkonom Derya Incedursun i Nordea trur det er fleire grunnar til at så mange lèt vere å sjekke skattemeldinga.

– Folk tenkjer at dei ikkje har nokre frådrag, at alt er førehandsutfylt, og at dette er noko dei ikkje treng å tenkje på, seier Incedursun.